იწყება ჩემპიონატი კალათბურთში. 6-9 კლასელებამდე. ბავშვები ბევრი თამაშის შემდეგ დააგროვებენ ქულებს და გადავლენ შემდეგ ეტაპზე. გათამაშების შემდეგ საიტზე გეტყვით გამარჯვებული კლასს
თბილისის №175 საჯარო სკოლა ჩამოყალიბდა 2005 წელს №175 და №184 სკოლების ოპტიმიზაციის შედეგად. სკოლა მდებარეობს გლდანი-ნაძალადევის რაიონში. მისამართი: მუხიანის დასახლება III მ/რ. ტელ: 64 53 07 63 54 86 დღეისათვის სკოლას აქვს 4 კორპუსი- 2 სასწავლო და 2 დამხმარე. სკოლის I სასწავლო კორპუსი ეთმობა დაწყებითი საფეხურის მოსწავლეებს. II კორპუსში განთავსებულია II და III საფეხურის კლასები. დამხმარე კორპუსები ეთმობა სახელოვნებო და სპორტული კლუბების მუშაობას. სწავლების ასეთი ადმინისტრირება საშუალებას გვაძლევს დავნერგოთ უსაფრთხო სკოლის პრინციპები და ეფექტურად ვმართოდ სასწავლო პროცესი. სკოლაში 1850 მოსწავლეა. ვცდილობთ ვაქციოთ სკოლა იმ დაწესებულებად, სადაც ხალისი, გულისხმიერება, პატივისცემა და პროფესიონალიზმია დამკვიდრებული, სადაც ბავშვი თავს სრულყოფილ მოქალაქედ გრძნობს და დაცულია მისი უფლებები.
სკოლაში ფუნქციონირებს მუსიკის, ხატვის, ლიტერატურული თეატრის, ფეხბურთის, ხელბურთის, ფოტოხელოვნების უფასო კლუბები და ქართული და სამეჯლისო ცეკვების, კარატის ფასიანი წრეები.
175-ე საჯარო სკოლის ეკოლოგიური ჯგუფის ეკო-175-ისა და ჯგუფის ხელმძღვანელი ცარო ხორბალაძის ინიციატივით 2009 წლის 11 ნოემბერს მოეწყო ეკოლოგიური აქცია.აქციის მიზანი იყო სკოლის ტერიტორიის მოწესრიგება.აქცია გაიმართა ორგანიზებულად, წინასწარ შედგენილი გეგმის მიხედვით. სკოლის შემოგარენის ტერიტორიები მიმაგრებული იქნა II და III საფეხურის მოსწავლეებზე. მოსწავლეებს და პედაგოგებს დაურიგდათ ხელთათმანები და ერთჯერადი დამხმარე საშუალებები. აქცია პერმამენტულია და გაიმართება საჭიროებისამებრ.
შინაგან საქმეთა სამინისტროს მიერ დაწესებულ ,,მომავლის თასზე” საჯარო და კერძო სკოლებს შორის ჩატარდა ტურნირი, რომელშიც მონაწილეობდნენ მე-9 კლასის ვაჯები. 175- საჯარო სკოლის გუნდმა წარმატების იასპარეზა 164-ე, 160-ე. კერძო სკოლა XXI საუკუნესთან.
16-20 ნოემბერს ფიზიკური და ესთეტიკური აღზრდის კათედრის მიერ ჩატარდა ,,კათედრის კვირეული”. კვირეულის ფარგლებში სკოლის სპორტულ დარბაზებში და სტადიონზე მოეწყო თამაშები სპორტის სხვადასხვა სახეობაში.მოეწყო გამოფენა ,,ოქროსფერი შემოდგომა”. ფერწერულ ნახატებთან ერთად წარმოდგენილი იყო მოსწავლეთა სხვადასხვა მასალაში შესრულებული ნაკეთობები. გამოფენაზე განსაკუთრებულად საინტერესო ნამუშევრები წარმოადგინეს ,,ფერთა კრისტალის” მოსწავლეებმა. მოსწავლეები და მასწავლებლები ერთიანი მონდომებითა და სიყვარულით იყვნენ ჩართულები ექსპოზიციაში.
2008-2009 სასწავლო წელს სკოლას 7 მედალოსანი მოსწავლე ჰყავდა. მათ შორის 2 ოქროსი და 5 ვერცხლის. ოქროს მედლები გადაეცათ მარიამ დავლაძეს და ქეთევან წიწუაშვილს. ვერცხლის მედალოსნები არიან: მარიამ კეპულაძე, ნინო კეპულაძე, ნინო მეურმიშვილი,მარიამ ჯამაგიძე, გიორგი სისვაძე სკოლის წარმატებულ კურსდამთავრებულებს ოქროსა და ვერცხლის მედლები ქ. თბილისის 136-ე საჯარო სკოლაში თბილისის საკრებულოს თავმჯდომარემ ზაალ სამადაშვილმა გადასცა. 175-ე სკოლა ულოცავს მედალოსნებს და წარმატებებს უსურვებს.
175-ე სკოლის და მუხიანის გამგეობის ინიციატივით ალილო მოეწყო მუხიანში. ალილოს მსვლელობაში მოსახლეობასთან ერთად მონაწილეობდა მუხიანის დასახლებაში არსებული ყველა საგანმანათლებლო დაწესებულება.ადგილობრივებმა ცეკვისა და სიმღერის ანსამბლებთან, მგალობელთა გუნდთან, ხალხური საკრავების ანსამლთან და სპორტულ სკოლა “ხრიდოლის” მოსწავლეებთან ერთად მსვლელობა წმინდა მირიანისა და ნანას სახელობის ტაძრიდან დაიწყეს. თეატრალიზებულ სანახაობას დუმბაძის ქუჩაზე თბილისის მერი შეუერთდა. გიგი უგულავამ მონაწილეებს საშობაო ნობათი გადასცა. ალილო, ისევ წმინდა მირიანისა და ნანას სახელობის ეკლესიასთან დასრულდა, სადაც სანახაობის დროს შეგროვებული შემოწირულობები მიიტანეს. ნობათი უპოვრებს დაურიგდებათ.
